Yarmouth Time Rin up tae the shoppie fur a hunk o string,
En dinna be lang for there’s nae much time.
There’s nets tae men, en lots mair tae dee,
Afore yer father gings tae sea;
At Yarmouth time.

The kist’s ah packit wi a kine o gear,
Sunday claes aye, an ilkiday weer,
Hame-wiven ganzeys, a’ navy blue,
Seaboot stockings, like the rest o the crew;
At Yarmouth time.

The larrie’s at the door – "Are ye ready Joe?"
En up the laft mi father wid go,
Wi a rummle lik thunner the nets rollit Doon ,
Then awa tae the hairber, doon the toon;.
At Yarmouth time.

Yarmouth Time Rin up tae the shoppie fur a hunk o string,
En dinna be lang for there’s nae much time.
There’s nets tae men, en lots mair tae dee,
Afore yer father gings tae sea;
At Yarmouth time.

The kist’s ah packit wi a kine o gear,

Sunday claes aye, an ilkiday weer,
Hame-wiven ganzeys, a’ navy blue,
Seaboot stockings, like the rest o the crew;
At Yarmouth time.

The larrie’s at the door – "Are ye ready Joe?"
En up the laft mi father wid go,
Wi a rummle lik thunner the nets rollit Doon ,
Then awa tae the hairber, doon the toon;.
At Yarmouth time.

Fae the school tae the hairber tae see them awa,
The drifters blawin reek an their sirens did blaw Mi Da wavet his cape,
aye smilin tae me, Bit there’s mair than the reek ,
thir’s a tear in his ee;
At Yarmouth time.

Still thir’s nae time tae mope,
Thir’s works tae be deen,
Wivin mair claes an ‘Billy’ tae read.
En oor herts wid loup up fin we ken they’d a shot
For mony’s the time they’ve toiled lang for naught;
At Yarmouth time.

We’d look for the postie tae bring us a letter,
A parcel o claes wiz sometimes better.
Thir wiz maybe a boxie, wi somethin sweet,
Rock, aipples, or nuts - a richt treat;
At Yarmouth time.

Then ae mornin early atween twa or three A knock on the windae en a vice says,
"It’s me! Wid ye open the door?" Of coorse, fit joy, Wir father wiz hame – oh sic a malloy ;
At Yarmouth time.

Hid the fishin been guid, there’d be presents for a’, Gloves for my mither,
for ma brither a ba A dally for me,
or maybe a game, Bit the best thing o a’, he wis safely hame;
At Yarmouth time.

Poems and Authors